FANDOM


دوتنه:Nietzsche1882.jpg

نېچه (Friedrich Nietzsche) (1900-1844) د نولمسې پېړۍ جرمني فلسفي دى. دد په خيال توان د انساني معاملاتو فېصله كوونكې عنصر دى. ده د (فوق البشر) يا (Superman) تصور مخكې بوتلو.

نېچه د اكتوبر په ۱۵مه نېټه ۱۸۴۴ز كال د روكن پرشيا په ښار كې وزېږېد. پرشيا په پوځي او سياسي اړخه يو طاقتور رياست پېژندل كېده. اسټريا يې له جرمني معاملاتو څخه لرې ساتلې ؤ. نېچه د دكتورا سند ترلاسه كولو څخه مخكې د بېل پوهنتون كې د پروفېسر په توګه درس وركاوه. ۱۸۷۱ز كال پرشيا د ناپليون د بريو په نېشه كې ډوب فرانس ته بدترينه ماتې وركړه. او د ورسايي پاريس په مقام يې د ټولو وړو، وړو جرمني واكمنۍ سره يو كړې او د يوه قوي جرمني واكمنۍ بنسټ يې كېښود. نېچه ددې نوي راټوكېدونكې واكمنۍ اواز ؤ.

نظريات سمول

دده دښمنانو به هم دې د ارواپوهنې د ستر عالم په توګه پېژنده. ده د خپلو افكارو په واسطه د انسان پوهنيز او نظرياتي منافقانه اړخونه روښانه كړي دي. او په اخلاقو په غوره كونه كې يې څو داسې بنسټونه اېښي دي. ده به د حاضر وخت مفكر ته چندانې اهميت نه وركاوه، ځكه چې د راتلونكي انسان د لوړو او اوچتو صلاحيتونو غوښتونكې ؤ. د همدې تمې لمخې يې د عيسويت مخالفت هم وكړ. دده خيال ؤ چې تر هغې چې د فرد د ځاني نصب العين اړيكې دي، نو جسماني او ذهني توانونو او وړتياؤ يوه كېدنه اړين او ضروري برېښي. دده دا خيال ؤ چې انسان خپل جسم د هر شي منبع ده. كله چې هغه ته ددې پته ولګي، نو په اريانۍ او تعجب په سمندر كې ډو ب شي. دارنګه هغه ته هرشې د خپل وجود (جسم) برخه ښكاري، نو ځكه د خپل جسم ځانګړتياوې او نور مادي شيان په خپلو ځانګړو رنګونو كې نه شي كتلاى. ددې فلسفي دا نظريه د مسلمان واكمن منصور له دې نظريې سره چې (فنا في الوجود او فنا في الله) سره ډېر نږدېوالې لري.


په زړه پورې خبرې سمول

د امريكي فلسفي وېل ډېورانټ د وينا لمخې: نيچه د داروين زوى او د بسمارك ورور ؤ. علامه اقبال د ښوونې لپاره جرمني ته ځي او له دې جرمني فلسفي څخه اغېزمن كېږي، چې دا اغېزمنتيا يې جرمني ته له تګ څخه مخكې او وروسته شاعرۍكې په ښه ډول ښكاري. د مرد مومن تصور يې د نېچه د (فوق البشر) تصور سره ډېر نږدېوالې لري. ليكنې Thus Spake Zarathustara

اخځليكونه سمول

  1. اردو وېكيپېډيا www.ur.wikipedia.org
  2. اسلام او فلسفه، ليكوال: ملك كريم بخش، شيخ محمد بشير اېنډ سنز، ناشران و تاجران كتب- چوك اردو بازار- لاهور

Ad blocker interference detected!


Wikia is a free-to-use site that makes money from advertising. We have a modified experience for viewers using ad blockers

Wikia is not accessible if you’ve made further modifications. Remove the custom ad blocker rule(s) and the page will load as expected.

Also on FANDOM

Random Wiki